O concello de Mondariz Balneario organiza actividades micolóxicas no vindeiro mes de novembro.
A histórica vila balnearia organiza este outono unha fin de semana micolóxica, con varias actividades para afondar no coñecemento dos cogomelos.
Serán dous roteiros micolóxicos polos montes da contorna, acompañados de guías, nos que introducirnos no mundo da micoloxía, con indicacións básicas de como apañar, en qué fixarse para diferenciar especies e consellos útiles á hora de iniciarse no mundo da micoloxía.
O sábado pola tarde tamén se ofrecerá un obradoiro micolóxico, no que se pretende avanzar no coñecemento das especies axudados de bibliografía específica.
As actividades son gratuitas e non é preciso apuntarse, existindo, en todo caso, un correo electrónico, micomondariz@gmail.com no que solventar calquera dúbida.