A compañía de teatro infantil Baobab chega este ano a Mondariz-Balneario a través do programa de dinamización lingüística FalaRedes cun espectáculo para a cativada, que foi galardoado co premio Barriga Verde de textos teatrais en galego. O lobo e a lúa é unha peza teatral tenra, divertida e intrigante onde os seus personaxes conviven a pesar das súas diferenzas. Ninguén é tan bo como aparenta nin tan malo como parece. Un espectáculo que transcorre sempre de noite, á luz da LÚA. Unha historia de amizade, superación dos propios medos e de amor.
Teatro “O lobo e a lúa”
