Pedro Brandariz-“O musical”. 25 de xullo ás 20.00h nos Xardíns do Gran Hotel. En caso de chuvia a actividade trasladarase á Sala de Cultura do concello. Entrada libre ate completar a capacidade do espazo habilitado. Espectáculo para todos os públicos. Actividade pertencente ao programa Cultura no Camiño, Xacobeo 2021-22, da Xunta de Galicia.
Resumo do espectáculo:
Espectáculo de rúa onde a interacción co público é continua e permanente (a interacción co público realizase seguindo todos os protocolos de hixiene e seguridade establecidas pola actual situación sanitaria).
Todo está preparado para a interpretación dun “gran musical” levado a cabo por Pedro Brandariz, pero comezan a suceder unha serie de feitos inesperados que levarán a “gran cita” ó traste. Durante a función aparecen diferentes personaxes que provocan unha manchea de situacións cómicas e hilarantes.