O vindeiro 31 de outubro realizaremos un roteiro “truco ou trato” polos arredores da vila coa cativada de 0 a 16 anos. Este percorrido comezará ás 19.00 horas na casa do concello, logo recolleremos lambetadas pasando polas casas das veciñas e veciños e polos locais de hostalería e remataremos o roteiro na praza de abastos, onde haberá chocolate, rosca, moito baile e premio para o mellor disfrace.
Tamén haberá premio para os que estades decorando as vosas casas e participando activamente. Anímate a participar decorando a túa casa e gaña o premio á casa mellor decorada para este Samaín 2023!!!
Se queres botarnos unha man na organización desta actividade, envíanos un correo á dirección que aparece abaixo indicando no asunto “Voluntariado” e porémonos en contacto contigo.
Tamén realizaremos un obradoiro de decoración de Samaín para a cativada (5 a 13 anos), terá lugar os días 21 e 28 de outubro en horario de mañá, de 10.30 a 12.30 horas. Xa podedes inscribirvos na mesma dirección de correo indicando no asunto “obradoiro samaín”.
Para inscribirse é necesario enviar un correo a mondarizbalneario.rbgalicia@eidolocal.es indicando nome completo dos participantes, idades, número de teléfono de contacto e indicar se están empadroadas ou empadroados na vila, este dato é moi importante, xa que terá preferencia na inscrición a cativada empadroada neste concello.
Prazo para anotarse: do 10 ao 23 de outubro ás 23.59 horas. Actividade con prazas limitadas, non se admitirá ningunha solicitude fóra de prazo. Poderemos solicitar a acreditación dos datos de inscrición en calquera momento, en caso de que non se cumpra calquera un dos requisitos de inscrición, esta quedará anulada.