Achégase o día de celebración da nosa lingua, o 17 de maio, día das Letras Galegas. Este ano estará adicado a Francisco Fernández del Riego.
O Concello de Mondariz-Balneario quere sumarse a esta celebración cultural coa organización dun concerto musical para público infantil e familiar. Ás 18.30 h teremos con nós a Paco Nogueiras co espectáculo “Extra” baseado no Libro CD Extra, editado por Kalandraka, na sala de cultura do concello.
Esta actividade é completamente gratuíta e pode asistir calquera persoa que o desexe, polo que vos convidamos a achegarvos ata o concello e desfrutar da que será unha xornada especial.